Idurar, d Tizlit n Mass Ferḥat At Sɛid dit Imaziɣen Imula

Idurar

Idurar d tidet cevḥen

S uqerruy-iw ar cevḥen

Amzun d laẓ

D laẓ akk i ten-icebbḥen

Yeǧǧuǧeg ^ɣef yidɣaɣen

Idɣaɣen i ^ɣef nejgugel

Deg wayen i ccnan wid iɣ-izwaren

Ar ass-a tidet teffer

Ccvaḥa wwin-tt yidɣaɣen

Laẓ yeqqim i yimesdurar

Imesdurar n twaɣit

Tawaɣit tezzi-asen

Ala nettat i ten-iḥemmlen

Tḥemmel-iten i tmettant

Ttmettaten ɣef  ^wayen ur tetten

Akk d wid ara ten-yeččen

Ssawalen-asen-d ad nɣen tinekkriwin n yimɣiden

Iɣallen mi ara vuren awid win ara ten-yaɣen

Ansi id yekka waya ?

Ay-agi yekka-d seg tsiɣrit tasigmant tameqqraḥant

Id yekkren deg uzaɣar yerẓan taxeddimt n udrar

Anwa i d amsedrar ass-a i teṣṣarwa tmurt-is ?

Ass-a taɣaḍt-is d tacavcaqt n uyefki

Asɣar-is d taqarɛet n lgaz

Tivḥirt-is d ssuq

Awid kan tadrimt

Anida-tt

Tadrimt tɛebba aqacuc

Di temdinin ^ɣef izuɣar

Izuɣar s ufell-a n yidurar

Ssan-asen-tt-id iɣallen

Tetten-tt ala at iɛebbaḍ

Wid-ak-nni i ɣitetten

Ṭṭfen-d tamurt di Marikan, di Rrus d wanda ssawḍen

Tekkan ɣef wid i wumi ttaken iɣsan, iḍan wid iɣ-iḥekkmen.

A yiɣallen akken nella,

Nella d wid ivuren neɣ d zid n lluzinat

Amennuɣ iɣ-icewwlen mačči ger-aneɣ ar ad yass

Wid iɣ-ismerkayen anida-ten ?

Kker-t ad neddukel-t fell-as

Ad neffru-t deg wayeg-araneɣ

Ddunit ad tveddel lsas

Ad yali yiṭij-nneɣ.

      

Ferḥat At Sɛid 

https://youtu.be/RNQxgr2BNlI