Buɛziz u Cebbi : « Dda Sliman : Tagejdit ur nɣelli »

Buɛziz u Cebbi, Sliman Ɛazem

Buɛziz u Cebbi :« Dda Sliman : Tagejdit ur nɣelli »

« Dda Sliman izem n tizza, ma yif-it Deryasa neɣ wid Yellan d cmayet ». Tajmilt-agi n Lwennas temmal-ed azal n unaẓur agi ameɣlal d lvaṭel i∑eddan fell-as.

Dda Sliman d yiwet ger tgejda n yedles aqvayli d yedles amaziᵧ s umata. Yerẓa-d asalu i Feṛḥat, Lwennas, Lewnis d wiyaḍ imi d netta i d amenzu i yecnan tasertit. Anwa ur nesli s tizlatin-agi : Effeɣ ay ajṛad tamurt-iw, Baba ɣayu, Tlata yeqjan, a wid ijebbden leqlam, ɣef teqbaylit yuli was , La carte de résidence, d nukni i d nukni … Deg-sent ad naf amezruy-nneɣ, tilufa nettidir, tisiram-nneɣ, tinekkit-nneɣ, …

D amezwaru i d-yennan s usefru : ifuḥ nnefs-ik ay izem ». Yenfa-t udavu azzayri amesvaṭli amharsan acku awal-is iteqqes issakay seg-yiḍes. Yugi tasusmi. Awal-is yeqqaz irennu, yeskaray-ed asirem i s ara nerreẓ azaglu.

Dda Sliman d aɣervaz n teqvaylit. Nelmed-ed di tmedyat-is azalen yessidiren amdan.

« A wen iniɣ a Leqvayel, Anwa i d mmi-s n Laṣel, d win yettḥezziven i nnif-is ». Ihi win ur nes∑i nnif d aˠilif.

« Lemmer a nemjaz a ne∑del, ṛṛay-nneɣ ad yeddukel, yal wa ad as-ed yeḍher umur-is ». Agdud yedduklen ur t-yettruẓ yiwen.

« Ma nett∑emmid i lvaṭel, a nuɣal ak am ṭṭvel, yal wa a d-iheggi a∑rur-is ». Kennu yettarew-ed ddel. Ddel itessu-d i nger.

Deg wass n 28 yennayer n useggas n 1983, yewweḍ Dda Sliman anda ak ara naweḍ. Ulac-it yella. Xas tafekka-s ddaw wakal, isem-is yeqqim-ed deg-umezruy am u∑eqqa yessawalen. Ad yessawal i tlelli, i tegmat, i tudert n teqvaylit. « La nettɣenni nfeṛṛeḥ, simmal la d-yettvan ṣṣeḥ, ɣef teqvaylit yuli was». D wagi i d izen-is aneggaru.

Akken i t-yeqqar deg-wawal-is : Lvaṭel rẓag yisem-is, ma i fat yewweḍ ɣer lḥed-is, ur yettdum ula ɣef yiwen ». Akken ad d-neffeɣ ɣer telwit, yiwen wevrid i-yellan : d-taqvaylit. Taqvaylit d-tagmat, d lemḥadra d lemqadra, d-tadukli d-yettawin tilelli.

Ad yidir Dda Sliman

Buɛziz u Cebbi (Bouaziz Ait Chebib).